પાવન પર્યાવરણ
પાવન પર્યાવરણ
ઔદ્યોગિક ક્રાંતિની, વિકાસની, આ કેવી હોડ છે ?
ધનોત પનોત કાઢી નાખશે, આ કેવી દોડ છે ?
પર્યાવરણની પવિત્રતા પાળો, છોડમાં છે રણછોડ,
પ્રદૂષણથી બચવા, વૃક્ષ વાવેતર અજોડ છે.
જંગલી છે એ લોકો, જે જંગલનુ કરે નિકંદન છે,
સાંભળો ધ્યાનથી, આ નિકંદનમા આવતી પેઢીનું આક્રંદ છે,
પર્યાવરણની પવિત્રતા પાળો, છોડમાં છે રણછોડ,
સંસ્ક્રુતિ અને વિક્રુતિ વચ્ચેનું આ ભયંકર દ્વંદ્વ છે.
વૃક્ષોનું વૈજ્ઞાનિક અને આધ્યાત્મિક મહત્વ છે,
વૃક્ષ વાવેતર એ પર્યાવરણનું પરમતત્વ છે,
પર્યાવરણની પવિત્રતા પાળો, છોડમાં છે રણછોડ,
વૃક્ષ વાવેતર લાવે સમાજમાં સદભાવ અને સત્વ છે.