પાશ્ચાત્ય નકલે

પાશ્ચાત્ય નકલે ફેરવી નાખી છે દશા આપણી,

પાશ્ચાત્ય નકલે ફેરવી નાખી છે દિશા આપણી.

ક્યાં જવાનું હતુંને ક્યાં જઈ રહ્યા છે આપણે ?

પાશ્ચાત્ય નકલે ફેરવી નાખી છે પ્રથા આપણી.

છીએ આપણે ૠષિસંતાનો એ ભૂલી ગયા સૌ,

પાશ્ચાત્ય નકલે ફેરવી નાખી છે ગાથા આપણી.

છે વીરને વીરાંગનાનો દેશ તોયે મોજશોખને વશ,

પાશ્ચાત્ય નકલે ફેરવી નાખી છે કથા આપણી.

છે એ ભૂમિ જ્યાં ખુદ ઇશ અવતરવા ચાહે,

પાશ્ચાત્ય નકલે ફેરવી નાખી છે આશા આપણી.