બને
બને
પારકાથી સ્હેજ હટવાનું બને,
ખુદથી ખુદને રોજ ભળવાનું બને.
સ્પર્શમાં કાયમ હશે માસૂમિયત,
તો જ પરપોટાને અડવાનું બને.
રાત ભર અંધારની દોસ્તી કરી,
ને વગર દીવા એ બળવાનું બને.
ભીંત આવી એકલી ઉભી રહી,
આંખથી એ ચિત્ર કળવાનું બને.
વાંક મારો કુંડળીમાં કાઢશે,
ભાગ્યમાં એનું ફળવાનું બને.
પાંપણે આવી ટકોરા આપજો,
સ્વપ્નમાં તો સ્હેજ અડવાનું બને!
શબ્દ મારા એ હૃદયથી વાંચશે,
એટલે 'આભાસ' લખવાનું બને.