ધુમ્મસ ધૂમ્મસ
ધુમ્મસ ધૂમ્મસ
1 min
7.6K
થિજેલી યાદોનું વાદળ ધુમ્મસ ધૂમ્મસ,
આંસુનાં પડળોમાં કાગળ ધુમ્મસ ધુમ્મસ.
વીતેલી સંગાથે એની ના ક્ષણ એક પણ,
કલ્પન સઘળાં થાયે ઝાકળ ધુમ્મસ ધુમ્મસ.
ચાલી આ વણઝારો નિંદર ઉડાવીને,
ઝાંખા સપનાની આ સાંકળ ધુમ્મસ ધુમ્મસ.
આંસુઓનાં ટોળેટોળાં પાંપણ પાછળ,
ટપ ટપ ટપકે પલળે કાજળ ધુમ્મસ ધુમ્મસ.
ચુપકીદી અકળાવે ખુદને ખુલ્લાં હોંઠે,
શબ્દોં ડોલે આગળ પાછળ ધુમ્મસ ધુમ્મસ.