'દિપક' બને મશાલ

હોઠો પર સ્મિત રાખો, આંખોમાં વહાલ,
બોલો તો એવું બોલો કે થઈ જાય કમાલ.

ભૂતકાળને ચુપ રહેવાનો આદેશ આપી દો,
ભવિષ્ય જયારે કરે કોઈ પણ સવાલ.

દોસ્તીની નિશાનીઓ વધારતા જાઓ,
કોઈ છબી, કોઈ વીંટી કોઈ નાનકડો રૂમાલ.

જયારે કંઈક અધૂરું છોડી દેવાના હો,
ત્યારે બસ થોડીક વધારે કરો મજાલ.

એકાદ વિચારને ઉછેરીને મોટો કરો,
એ સમૃદ્ધ બનાવશે તમારી આવતી કાલ.

શકય હો તો કોઈકને સહકાર આપી જુઓ,
એક ચીંથરું મળી જાય તો 'દિપક' બને મશાલ.