જીંદગીનું ગણિત
જીંદગીનું ગણિત
1 min
392
ખબર નથી, જીંદગીની કિંમત શું થાય છે ?
જીંદગીચોકડીની કિંમત શોધવામાં જાય છે
શ્વાસ રોજેરોજ ક્ષણેક્ષણ ઓછા થાય છે
જીંદગી સો એ કેટલા શોધવામાં જાય છે
ગયેલા ભૂલાય છે, નવા સંબંધો ચિતરાય છે
જીંદગી કૌંસની બાહર કાઢવામાં જાય છે
આ ધબકારા કોની હાટુ સચવાય છે, ખબર નથી
પણ આ જીંદગી છેદ ઉડાડવામાં ઊડી જાય છે
કોણ કોનું છે અહીંયા ? એતો મારો રામ જાણે વાહલા
જીંદગી કાટ, લઘુ, ગુરુ, પૂરક, કોટીકોણ દોરવામાં જાય છે
ખબર નથી,જીંદગીની કિંમત શું થાય છે ?
જીંદગી ચોકડીની કિંમત શોધવામાં જાય છે