જન્મ જન્મની પ્રિત
જન્મ જન્મની પ્રિત
ભવોભવ તૂજ હોંઠો પર,
ગીત બનીને લહેરાઉં.
આંખોની કાજલ પલકોમાં,
ખ્વાબ બનીને છુપાઉં.
ને ધકધક કરતી છાતી એ -
હૃદય ધબકારે જીવ બની,
ભાગ્ય રેખાની હથેળી પર -
મહેંદીએ નામ બનીને ચીતરાઉં.
છે તમન્ના મારી એવી કે -
લહેરાતા તૂજ પાલવડામાં,
દશે દિશામાં ખુશ્બુ થૈને,
ચોગરદમ વાયુ બનીને ફેલાઉં.
સમીસાંજના શમીયાણામાં,
સાજ સુરના સાથી લૈને;
વહેતાં સુરે કોકિલ કંઠે,
ગઝલ બનીને મહેફિલોમાં ચમકાવું.
અંગત સોદા સમી વ્યવારું નથી એંધાણી.
છે જન્મો જન્મની પ્રીત બંધાણી.
અજબ અનોખી દાસ્તાં બની,
પ્રેમ કહાની ઘરઘરમાં હું વંચાવું.