મારાથી

કવિતા ક્યાંક શરમાઈ છે મારાથી,
વેલી પ્રેમની કરમાઈ છે મારાથી.

જોર ક્યાં ચાલે છે ત્યાં કોઈનું,
લાગણીઓ થોડી નરમાઈ છે મારાથી.

ઘાવ ઝીલ્યાં જીંદગી આખી છતાંય,
વેદનાઓ ક્યાં ધરબાઈ છે મારાથી?

હતું તે બધુંય તો દીધું છે આપી,
માગણીઓ કેમ ફરમાઈ છે મારાથી?

કરવાને ખુશ તને કેટલું વેઠ્યું છતાંય,
તું ક્યાં કદી હરખાઈ છે મારાથી.

લાગે છે કે ભૂલથી પણ ક્યારેક,
યાદો તારી તરછોડાઈ છે મારાથી.

કરવી પડે છે આજીજી હવે તો રોજ,
કલ્પના 'જશ' રિસાઈ છે મારાથી.