અર્પણ
અર્પણ
તું આવ...
તારી આશ જગાવી આંખો વહેતી,
મોજા જેમ ઉછળતી,
ઉંચા - નીચા, નાના - મોટા ખાડાઓ ઓળંગી,
પંખ ફેલાવી વાટ નીરખતી --
તું આવ્યો...
ડાળી થઈ ગઈ ઘેલીઘેલી,
સાત સુરોનું ગીત મધુરું ગાતી,
હાલક - ડોલક થાતી ઈચ્છા કરતી,
ધરતી ઉપર જાણે લીલી દોડા દોડી,
મોરલીયાનો ટહુકારો લઈ ભીતરમાં પ્રગટેલી –
તને વધાવું મોતીડે ...
મીઠો શેયડો પડ્યો હૈયાની ધારે,
ભીનો પગરવ નદી કિનારે,
પોપચાંને ઢાળી - નેણને નમાવી
શીશને ઝુકાવી
સઘળું મારું --
અર્પણ ---