પપ્પા તમારા હાથ
પપ્પા તમારા હાથ
1 min
543
ભલે સૌ માટે સુંદર કન્યાનાં રૂપાળાં હાથ,
મને તો લાગે વ્હાલા પપ્પાનાં કાળા હાથ.
અમારાં તો સુખનું સરનામું ને સઘળું જ,
બીજું કંઈ નહિ પણ એ જ કસાયેલા હાથ.
દિન-રાતની મહેનતને પરસેવાનો સંગાથ,
મારે મન અત્તરથીયે સુગંધી એ ઘસાયેલા હાથ.
અમ ભાંડેરાઓનાં સ્વપ્નનું સરનામું ને ખાતું,
અમારી બેન્ક ડીપોઝીટ એ થાકેલા હાથ.
ન કદી ફરિયાદ માટે ઉઠતા, ન દુઆ માટે,
સદાય અમારે કાજ એ મહેનત કરતાં હાથ.
ન ગંગાજળ ધોઈ શકે, ન ગુલાબજળ મહેકાવી,
બસ અમારાં આંસુઓથી એ મહેકતાં હાથ.
બાળ ચાહે પકડવા પરીઓનાં સુંવાળા હાથ,
હું તો સદાય ચાહું પકડવા પપ્પા તમારાં હાથ.