સૈનિકનાં મનની વાત
સૈનિકનાં મનની વાત
(છંદ : વંશસ્થ)
ન પર્વતોનાં શિખરો નડે મને,
ન ગર્મ રેતી રણની નડે મને,
ન બર્ફનાં મેહ કદી નડે મને,
સતા તણાં ખેલ જ રે નડે મને…
ન શત્રુની ફોજ કદી નડે મને,
ન શત્રુનાં શસ્ત્ર કદી નડે મને,
મુસીબતોએ પણ ના નડે મને,
સતા તણાં ખેલ જ રે નડે મને…
સીમા ન રેખા ન કદી નડે મને,
ન તોપ ગોળાય કદી નડે મને,
મને ન મારી ફિકરે નડે મને,
સતા તણાં ખેલ જ રે નડે મને…
સતા શરાબી જ ઇ વચ્ચમાં મને,
નડે સદા 'અર્જુન' એક એ મને,
કરારથી બંધ ઇ રાખતાં મને,
સતા તણાં ખેલ જ રે નડે મને…