સાંજની પ્રતિક્ષા
સાંજની પ્રતિક્ષા
જોને આ સાંજ સરકતી ક્યાં સુધી જશે,
તૃષ્ણા આ તારી સળગતી ક્યાં સુધી જશે,
નિયતિ કહે છે એકમેકમાં સાવ સમી જવું,
ક્ષિતિજ વચ્ચે બળબળતી ક્યાં સુધી જશે,
કોઈ કહે કે ના કહે કંઈક તો ભેદ હશે જ,
જિંદગી સાવ જ અછડતી ક્યાં સુધી જશે,
પ્રતિક્ષા ઉછળતા મોજાઓ સમી હોય છે,
પાષાણ ભીતરે અથડાતી ક્યાં સુધી જશે,
છીએ આપણે બે દ્વિપોના પ્રવાસી 'કિરન',
મિલનની આશ અટકતી ક્યાં સુધી જશે?