રણ ને લાગી છે તરસ...
રણ ને લાગી છે તરસ...
રણને લાગી છે તરસ, જામ પીવા દે સાકી !
એ તરસ છે, ગુલાબની, જામ પીવા દે સાકી !
કદાચ
એવું પણ બને કે રણ, રણ મટીને,
મઘમઘતાં ગુલાબોનું વન બની જાય સાકી !
જામ પીવા દે સાકી !
આ સામે ઘૂઘવે મહોબતનો મેં'રામણ,
બસ, એક અંજલિ પીવા દે સાકી !
રણને લાગી છે તરસ,
જામ પીવા દે સાકી !
ધોમ-ધખતો પડ્યો છે તાપ,
બસ, શીતળ-સાગરે ડૂબવા દે સાકી !
જામ પીવા દે સાકી !
દગ્ધ હૈયાંની હમણાં જ વળી છે રાખ,
જરા મોક્ષ-તર્પણ કરવા દે સાકી!
જામ પીવા દે સાકી !
તરસનો પ્હેરો કંટાળો ગળે,
એ તરસ ગુલાબી છિપાવવા દે સાકી !
જામ પીવા દે સાકી !
રણને લાગી છે તરસ,
જામ પીવા દે સાકી !
એ તરસ છે, ગુલાબની,
જામ પીવા દે સાકી !