ઝૂનૂન જીવવાનુ
ઝૂનૂન જીવવાનુ
રવિવાર જેવી મનોરંજક મોજ રોજ હોવી જોઈએ
અને એ પણ સસ્મિત બોજ વગર રોજ હોવી જોઈએ
રઝળપાટ હોય કે સ્થિતિ સ્થિરતાની આપણી ભીતર
ખુદની ખોજની ચળવળ ભીતર રોજ હોવી જોઈએ
એક અંતર યુદ્ધ મારું જ મારી સાથે શું કામ રોજ રોજ ?
તેથી જ સુવિચારોની એક ભીતર ફોજ હોવી જોઈએ
અહીં કોને ખબર છે સ્વર્ગ કે નર્કની મૃત્યુ પશ્ચાત
જમીન ઉપર જ જન્નત જેવી મોજ રોજ હોવી જોઈએ
કોઈની એક જ ફૂંકથી રેલાઈ જાઉં સૂર બની સર્વત્ર
પણ પહેલા વ્હાલથી વિંધાવાની તૈયારી રોજ હોવી જોઈએ
પછી એ ઉઠાવે મુજને એક વાંસળીની જેમ હળવેથી
વિરહમાં ઝૂરતી રાધા જીવતી ભીતર રોજ હોવી જોઈએ
પલ પલ"પરમ"ની પ્રાપ્તિ અને આ જુનુંન જીવવાનું
એક અનોખા"પાગલ"પન જેવી દશા દરરોજ હોવી જોઈએ