એકધારૂ બોલવું સારૂ નથી

એકધારૂ બોલવું સારૂ નથી,

સાવ રહેવું મૌન પણ સારૂ નથી,

સાથ તારી ઝૂલવું એ ખ્વાબ માં,

સ્વપ્ન બીજું કોઈ પણ પ્યારૂ નથી,

ખ્વાબ થી છે ઊંચી સૌ ઈમારતો,

એ નગરમાં એક ઘર મારૂ નથી,

પ્રેમ માણો પ્રેમીઓ સો પ્રેમથી,

પ્રેમથી બીજું કશું ન્યારૂ નથી,

તારલાની જોડ બાંધી પાલવે,

રાહમાં બસ કયાંય અંધારૂ નથી,

લ્યો ઉમળકાને મળી છે ઠોકરો,

ભાગ્ય એ મારૂ છે જે તારૂ નથી,

મન બની 'પાગલ' ઉભું'તુ દ્વાર પર,

બાવરૂ છે પણ એ બીચારૂ નથી.