તું આવે ને ફાગણ આવે.
તું આવે ને ફાગણ આવે.
તું આવે ને ફાગણ આવે.
મ્હોરીને આ આંગણ આવે.
ઊડયા છે જળ પલળી જાશું,
વરસી હૈયે બચપણ આવે.
મારાથી બચવા વાનાં છે,
ધીમા એના પગરણ આવે.
તારા મારા મધ્યે એવું,
સંબંધોમાં ગળપણ આવે.
કોરા રંગે ભીના ભીના,
એ નીતરતાં સગપણ આવે.
ખોવાઈ રંગતમાં તારી,
જો આદતમાં વળગણ આવે.
ચોરી લીધું દિલને મારા,
હળવેથી એ તારણ આવે.
આપ્યો તેં જન્મારો આખો,
ઘરથી તારા થાપણ આવે.
તારી સાથે રહેશે રંગો,
સપને મારા ઘડપણ આવે.