જ્યારે હસે આમ તું

ફૂલો મહેંકાયા કરે, જ્યારે હસે આમ તું,
ઉપવન ટહુકાયા કરે, જ્યારે હસે આમ તું.

ચંન્દ્ર ભલે શરમાઈને સંતાય વાદળ મહીં,
રૂપ તોય છલકાયા કરે જ્યારે હસે આમ તું.

આ પવનઝૂલે ઝૂલતાં વ્રુક્ષો ય જોને હસ્યાં,
ભમરા ય મલકાયા કરે જ્યારે હસે આમ તું.

જો સાથ તારો હોય તો રસ્તો ગમે તે ન હો,
મન આજ હરખાયા કરે જ્યારે હસે આમ તું.

લઈલે ભલે મારી પરીક્ષા આજ મન ફાવતી,
'જશ' પ્રેમ પરખાયા કરે જ્યારે હસે આમ તું.