શહેરને થયું છે શું? (ગીત)
શહેરને થયું છે શું? (ગીત)
કહો ને! શહેરને થયું છે શું?
ચડી છે ઠંડી? કે લાગી છે લૂ?
કહોને! શહેરને થયું છે શું?
કદી'ક ડૂસકે-ડૂસકે રડે છે,
કદી'ક વળી હિબકે ચડે છે;
કદી'ક લાશરૂપે જોઉં છું,
કહોને! શહેરને થયું છે શું?
ચાલ બધે દમીયલ દેખાય,
ઘરોઘરમાં ઝાંખપ પથરાય;
કયાંક બળવાની આવે છે બૂ,
કહોને! શહેરને થયું છે શું?
કયો વૈદ્ય જાણી શકે એની નાડી,
શીદ અવળી ચડી આ શહેરની ગાડી!
હે, ઈશ્વર! થોડી સમજ આપ તું,
કહોને! શહેરને થયું છે શું?