વચન.. ઓન પ્રોમિસ ડે
વચન.. ઓન પ્રોમિસ ડે
આપું તને વચન આજે
છોડું ન સાથ કોઈ કાજે..
સૂરજની કિરણો ન છોડે સાથ એનો,
ન છોડે સાથ ચાંદ ચાંદનીનો!!
હું આપું વચન ન છોડું તારો સાથ કોઈ કાજે..
હું આપું વચન તને,
ચાલશે શ્વાસ જયાં સુધી
છોડીશ ન તારો સાથ કોઈ કાજે..
મારા છેલ્લા શ્વાસે રટણ કરીશ તારું,
પલક ન મારીશ ત્યારે..
જોવાનું ચૂકવે તું આ નજારો
ફરી ન આવશે કોઈ કાજે..
લગ્નની ચોરી એ જે લીધા મેં સાત વચન,
મરણોત્તર નીભાવીશ એને
હું આપું વચન તને, એક ન ભૂલું કોઈ કાજે..
હું આપું તને સર્વસ્વ આજે,
તું શું લખી ન આપે આ ભવ મારે કાજે!??
ચાલ આપીએ વચન એકબીજાને,
વસંત ફાલશે જન્મો જન્મ સુધી..
સાત જનમ તો હમણાં પતી જશે,
લખ ચોર્યાસી ફરીયા કરીએ.
રહેશું સાથ સદા, છોડશું ન સાથ કોઈ કાજે..
આપે વચન કુંજદીપ ને આજે
સાથ ન છોડે કોઈ કાજે..