સંગી – સાથી

ચલ તૈયારી કર મનવા હવે મુસાફરી કરવાની
મુસાફરી સાથી વિનાની હિંમત ઉરે ધરવાની

કોયલની કુહુ કુહુને મોરની વાણી સુણવાની
કુદરત સંગે હાથ મિલાવી મંઝિલ શોધવાની

વન વગડો કે આંધીની ભીતી નહી જાણવાની
સાત સમંદર પાર કરવા નૈયા ઝુકાવવાની

સમાજ કે લોકોની કુથલી કદી નહી સુણવાની
દિલડાના તાર મિલાવી કૂચ જારી રાખવાની

અભય બનીને હિંમતપૂર્વક મંઝિલ પામવાની
તું  છે તારો સંગી સાથી વાત  ઉરે  કોતરવાની