ખ્યાતિ ખરાનેય કોણ આપશે...?
ખ્યાતિ ખરાનેય કોણ આપશે...?
1 min
426
આજ રે પુછે આ કલમ 'કવિરાજ'ને,
ખ્યાતિ ખરાનેય કોણ આપશે ?
આજ રે પુછે૦…
વખાણ થયા બહું ઉંચી ઈમારતનાં,
પાયાને ભાવ કોણ આપશે ?
આજ રે પુછે૦…
ભાર ઉંચક્યા જેણે ભીંતચિત્રનાં,
ખીલીનાં ખ્યાલ કોણ રાખશે ?
આજ રે પુછે૦…
જકડી બેઠાં જે ભૂમિ પર છાંયડા,
મૂળનેય માન કોણ આપશે ?
આજ રે પુછે૦…
જીતે જયકાર થયાં બસ રાજાનાં,
સૈનાનું શૌર્ય કોણ વખાણે ?
આજ રે પુછે૦…
વખાણ કરશે સૌ 'અર્જુન' કવિતાનાં
કામ કલમનાં કોણ વખાણશે ?
આજ રે પુછે૦…