ગીત - એક વિધુરનું....
ગીત - એક વિધુરનું....
ઝીલી રહ્યો છું હું કેટલા કારમા ઝંઝાવાત,
તારા વિના દિવસ સુના ને વિરહી રાત !
વેદના મારી કરમાયેલા ફૂલની જેમ ઝૂલે;
ક્યારે વાસંતી લહેરખી ફરી આવે ને ખુલે.
કાળનો બની ગઈ એ કોળીયો; સહ્યા મેં આઘાત,
ઝીલી રહ્યો છું હું કેટલા કારમા ઝંઝાવાત.
મનની વાત મનમાં ભરી જીવવું વસમું મને લાગે;
આંખ તને ખોળ્યાં કરે ને તું મારાથી દુર દુર ભાગે!
ભરખી ગઈ તને કયા જનમની દુઃખદ ઘાત;
ઝીલી રહ્યો છું હું કેટલા કારમા ઝંઝાવાત.