ચોમાસુંં આવ્યાની વાત

ચોમાસુ આવ્યું'ને પાંપણની પછવાડે અજવાળાં આખી'યે રાત છે ,

લજ્જાની લાલીથી ગાલોનાં ખંજનમાં ઝબકેલી આવી સોગાત છે ,

ચોમાસું આવ્યાની વાત છે !

ઉગમણે બાર જઈ આકાશી વાદળને કુંવારી ધરતીએ દીધો કંઈ નાદ,

મ્હેંકે છે ફૂલોને તો'યે આજ માટીની ગંધથી ભીતરમાં ભીંજાણો સાદ,

કોરા આ કાગળમાં પચરંગી શબ્દોથી ઝરમરતી ભીંજાતી જાત છે

ચોમાસું આવ્યાની વાત છે !

સળ પડે સુક્કામાં જાજેરી પીડાઓ ભીંજાતી જાગતી,

વરસાદી ટીપાંને પીવાને ભીતરમાં રાતડી એવું શું માંગતી ?

આવે જો અલબેલો થઈને એ રસઘેલો વરસાદી છાંટા શું વાત છે ?.....

ચોમાસુ આવ્યાની વાત છે !