શ્રાદ્ધ અને કાગ
શ્રાદ્ધ અને કાગ
કેવી આ માનવ જાત ?
શ્રદ્ધા માત્ર શ્રાદ્ધમાં ?
શ્રાદ્ધમાં પિતૃ બનાવી પૂજે,
પુચકારે, બોલાવે, આવકારે,
મીઠી ખીર ખવડાવે,
અને એમનેમ ?
જો આવું હું
ક્યારેક
છત પર તો,
ધૂતકારે,
ઉડાડે,
ફિટકાર વરસાવે,
શું સ્વાર્થી જાત આ માણસની ?
શ્રાદ્ધમાં નાખે વાસ,
બાકી કરે ઉદાસ.
શ્રાદ્ધમાં દૂધ ને ભાત,
બાકી બતાવે જાત.
શ્રાદ્ધમાં માને ભગવાન,
બાકી માને શૈતાન .
કા કા કરતો કહું હું કાગ,
આવશે હવે જો શ્રાદ્ધ,
તો,
કરીશ હું ઉપવાસ,
નહિ ખાઉં તારી વાસ,
અને
તને પણ બતાવીશ એ માનવ,
અમારી કાગની જાત.