સમ્યકગઝલ
સમ્યકગઝલ
1 min
6.6K
જાત જેવી જાતનું કપડું વણાય તો કહો;
ઢોર એકાદું મરેલું જો તણાય તો કહો.
ભેદ કોઈ છે જ ક્યાં એવું કશુંક બોલતાં
જો સ્વયંનું ગૂમડું થોડું ખણાય તો કહો.
થોડો અમથો આપતા અવકાશ જે ભણી શક્યાં;
એટલું ને આકરું દિલથી ભણાય તો કહો.
જોતરી છે નારીને સંડાસની સફાઈમાં
જાતને પણ જોતરી જાણી જણાય તો કહો.
જાતની પીડા વિશે તો કોઈ પણ કહી શકે;
અન્યના પણ ઘાવને સાચે ગણાય તો કહો
.
ગામ છેવાડે વસીને એકતા ન થઈ શકો
એકતારો થઈ જરી જો રણઝણાય તો કહો.
દંભ આચરનારનો તોટો નથી કોઈ જ કાળ
ઊડતી માખી બની જો બણબણાય તો કહો