મન ખિલ્યું હશે .

આ પતંગિયાએ ફૂલના કાનમાં કંઇક કહ્યું હશે,

એટલે આ ફૂલ આટલું હરખપદુડું બન્યું હશે.

જોરથી ટહૂકતી કોયલડી આટલા મૂડમાં કેમ છે?

કોઇ મનગમતું એને પણ આજે મળ્યું હશે.

આ જુઓ પાગલ પવન પણ દોડતો આવ્યો ,

આ બગીચાનું કોઇ સૂકું પાદડું નક્કી હસ્યું હશે .

બાંકડો પણ જુઓને કેટ કેટલો મલકાય છે,

લાગે છે , તેની પર બેસનારનું મન ખિલ્યું હશે.

ને હસીને તાળીઓ લેતી કૂંપળોને 'જશ' શું કહેવું!

એનાં દિલમાં પણ જરુર આજ કોઇ વસ્યું હશે.