કારણ લાગતું

સામસામું આપણું મળવું અકારણ લાગતું,

આમ જુઓ તો ભલા એમાંય કારણ લાગતું.

આજ મારામાં જ ડૂબાડી દીધો તો સૂર્યને,

એટલે હળવું ક્ષિતિજને એનું ભારણ લાગતું.

ગાલના ખંજનમાં ડૂબ્યાં તો ડૂબ્યાં એવાં અમે,

તો ય એની આંખમાં અમને તો તારણ લાગતું.

હું ય લાગું છું ખીલ્યો ખીલ્યો હવે વરસાદમાં,

કો'અષાઢી સાજં ના હરિયાળુ સાસણ લાગતું.

ના, રમા ના, મેનકા ના, ઉર્વશી, રંભા નથી,

આ કલમનું તો ય મનને કેવું કામણ લાગતું.

રોજ ઈચ્છા ના ચઢે છે, ઝેર તો કોને કહું,

મારવી ઈચ્છા જ મારે એજ મારણ લાગતું.

જીંદગી જીવ્યો છે "જોગી" દોસતો એ શાનથી,

એટલે આ મોત જેવું મોત હારણ લાગતું.