ભરતી ન ઓટ
ભરતી ન ઓટ
ખળખળ વહેતી
સ્નેહની વહેતી ધારા
એકધારો અખૂટ અમાપ
ભાવ અભાવ બધું સમાવી
નિરંતર એકધારો પ્રવાસ
સાજણને મળવા
ન ભરતી ન ઓટ
સદા સ્નેહથી ભીંજવતી
સ્નેહના ગુણાકાર કરતી
ન થાક ન કંટાળો
સદા હસતી રમતી
જીવનનો સંદેશો આપતી
ખળખળ ખળખળ વહેતી
સાગરકિનારે પહોંચતી કે
સાગર ધસમસતો
બાહોમાં ભરવા
સાગરના અફાટ જળમાં વિલિન થતી
સાક્ષી બનતી પ્રકૃતિ આ..
અદ્રિતય મિલનની
તો..સરિતા..
પોતાની ઓળખ ગુમાવી
સતત સ્નેહની યાદ અપાવતી
જયાં.
ખારાશ ભરતી ઓટ
સાગરમાં આવતા
થાકી ગઇ પાંખો
પણ
પ્રકૃતિ એની ને તોફાની સ્વભાવ
એમ કેમ છોડે ?
છતાં નિયતિ
સાગર સરિતા
એકમેકમાં ઓળઘોળ
સદા સદા.