હવે બસ...
હવે બસ...
હવે બસ, હું તૈયાર છું, તમારી સાથે આવવા માટે,
હું પાનખર છું જાણું છું, વસંત ભલે ખીલી છે માથે.
ખાલી પાન ખરે, એ વાત જ સાવ ખોટી છે સહુની,
અરે ડાળ પણ સુકાય છે મારી જેમ જ એની સાથે.
વાયરા સાથે બધું ઉડીને ખાલીખમ થઈ જાય સઘળું,
તોયે શુષ્કતાનો ભાર વેઠું છું મારા હૈયે અને મારા હાથે.
ફરી લીલોતરી ઉગશે એવી આશા સહુને હોય જ છે,
પણ મારે તો મારું થડ જ કાપવું છે આજે મારે હાથે.
આ ઘર હવે તમારું છે, તમારો જ માળો છે અહીં, પણ કાલ,
તારી પણ આખરી પાનખર આવશે મારી માફક સમય સંગાથે.