વરસાદમાં

ગયા વરસાદમાં ભીંજાયો હતો તારી સાથે,

આ વરસાદમાં ભીંજાયો એકલતાની સાથે,

ગયા વરસાદમાં જાણી જોઈ છત્રી ભુલ્યો તો, 

આ વરસાદમાં તો સાવ આપણે કોરે કોરા, 

ગયા વરસાદમાં માટીની ફોરમ મહેકતી હતી,

આ વરસાદમાં તો એ જાતને સંકેલી બેઠી છે, 

ગયા વરસનો વરસાદ તો વરસાદ હતો,

આ ઓણુકામાં તો કાંઈ પાણી નથી ! 

ગયા વરસાદમાં લીલી પીળી છત્રી આપી, 

આ વરસાદમાં ખાલી હાથ પણ ન આપ્યો !

ગયા વરસાદમાં હું રડ્યો, તે આંસુ લૂછયા'તા

આ વરસાદમાં રડ્યો, આંસુઓ ક્યાં આવ્યા ?