ક્યાં ના પાડી...
ક્યાં ના પાડી...
એક વાર પાનખરનું પાન બની બારીમાં તો આવો,
હૃદયમાં લાગણીનું ફૂલ ખીલવવાની ક્યાં ના પાડી !
આભિમાન મૂકી બાજુમાં એક નજર ઉપર તો કરો,
કદાચ આંખો ના મળે સ્મિત આપવાની ક્યાં ના પાડી !
અમૂલ્ય સમયનું બે ઘડી એકાંત લઈને તો આવો,
તમારી મૂંઝવણનો જવાબ આપવાની ક્યાં ના પાડી !
ગુંચવણ ભરી જીવન રાહ પર ચાલ તો ખરો,
રહસ્ય ભર્યા રસ્તામાં સાથ આપવાની ક્યાં ના પાડી !
મને સમજાશે નહીં એવું ભૂલી શબ્દો તો લાવો,
ભલે નકામી હોય વાતો સાંભળવાની ક્યાં ના પાડી !
તમે દોસ્તીનો એક હાથ મારી સામે તો ધરો,
દોસ્ત "નાના" એ મિત્રતા નિભાવવાની ક્યાં ના પાડી !