જિંદગી રમી ગઈ રમત અહીં

થાય અહેસાસના નવા નવા કિરણો,

લાગે જીવનમાં અનેરી રસમ અહીં,

ને,લો જિંદગી રમી ગઈ રમત અહીં.

હોય છે વસંત ને લાગે પાનખર અહીં,

કેવી બદલાતી કુદરતની રસમ અહીં,

ને, લો જિંદગી રમી ગઈ રમત અહીં.

ખૂબ દેખાય ચેહરા પર નકાબ અહીં, 

છે કઈ પરખવાની અહીં રસમ નવી ?

ને, લો જિંદગી રમી ગઈ રમત અહીં.

બિન મૌસમ વરસે આંખેથી વરસાદ,

લાવી જીવનમાં સંબધોની રસમ નવી,

ને, લો જિંદગી રમી ગઈ રમત અહીં.

રોજ ખૂબ લડ્યા છે ખુદ જ પોતાનાથી, 

લાવી છે નવી અનુભવીની રસમ ખરી,

ને, લો જિંદગી રમી ગઈ રમત અહીં.

સાચા-ખોટા, કડવા-મીઠા ,વ્યક્તિ અહીં, 

લાવ્યા જીવનમાં કસોટીની રસમ નવી,

ને, લો જિંદગી રમી ગઈ રમત અહીં.