ભાવગીત
ભાવગીત
દુનિયાભરના પંડિત પણ થઇ જાય ચીત છે
માત્ર એક જ શબ્દ ‘મા’, પોતે જ ભાવભર્યું ગીત છે,
મા ને સાચવવા જ્યાં થતા હોય છે ઝગડા,
જેની સાથે રહેતી હોય મા, એ ભાઇની જીત છે,
જે મા ને તમે નવ માસ પેટમાં મારી છે લાતો,
એને જ ધૂત્કારવું, એ જ કલીયુગની રીત છે,
પૂરી દુનિયાભરની હોટલો ફેંદી વળીએ આપણે,
મા ની રોટલીની મીઠાશ ક્યાંય નહી મળે એ નિશ્ચિત છે,
પહેલા આંસુ આવતા અને મા યાદ આવી જતી,
હવે મા યાદ આવતા જ આવે આંસુ એટલું નિહિત છે,
મને લાગે કાનો ત્યારે થાય છે મા,
દરેક મા નો દીકરો છે કાન્હો, માની એવી પ્રીત છે,
માતૄતવના આનંદ માટે, ભગવાન પણ મા પર આશ્રિત છે,
પૂરી જીવ સૄષ્ટિ મા ના પુચકારે, થાય પુલકીત છે.