સંગાથે

ચાલ સંગાથે મળી કરીએ,

શરૂઆત નવા શમણાઓની.

તારા સહવાસે હું અને મારા સહવાસે તું,

ચાલ બનાવીએ આ એક ક્ષણને 

જીવન ભરની સંગીની.

તારા શમણાઓ મારા આજથી,

અને મારા શમણાઓ તારા,

ચાલ સંગાથે મળી કરીએ,

સાકાર સમણાઓ આપણા.

ન ઓળખ હતી, ન કોઇ પહેચાન,

ક્યાં ખબર હતી મને ને તને,

કે બની જશે આ એક ક્ષણની મુલાકાત,

એકબીજાના હૃદયનું કાયમી સરનામું.

અંતે,

દરખાસ્ત છે મારા હૃદયની તારા હ્રદયને,

શુ બનીશ તું હંમેશને માટે મારો સહવાસ ?

જો 'હા' તો ચાલ સાથે મળી કરીએ,

શરૂઆત સંગાથના શમણાની.