હે મનવા

બે પૈસા માટે, 

ઘર છોડ્યું, 

ગામ છોડ્યું, 

છોડ્યો પરિવાર, 

હે મનવા,

તને શું મળ્યું ? 

કરજે વિચાર ! 

બે પૈસા માટે, 

ફળિયું છોડ્યું, 

નળિયું છોડ્યું, 

મિત્રો સાથેનો રવિવાર, 

હે મનવા,

તને શું મળ્યું ? 

કરજે વિચાર !

બે પૈસા માટે, 

ખેતર છોડ્યું, 

પાદર છોડ્યું, 

છોડ્યાં બધા તહેવાર, 

હે મનવા,

તને શું મળ્યું ? 

કરજે વિચાર.....!

બે પૈસા માટે, 

એ વડ છોડ્યો, 

મંદિર છોડ્યું, 

તળાવ ને આનંદ અપાર, 

હે મનવા,

તને શું મળ્યું ? 

કરજે વિચાર !

બે પૈસા માટે, 

કૂતરા છોડ્યા, 

બિલાડા છોડ્યા, 

ગાયો, ભેંસોની વણઝાર, 

હે મનવા,

તને શું મળ્યું ? 

કરજે વિચાર !

બે પૈસા માટે, 

ગાડા છોડ્યાં, 

વાડા છોડ્યાં, 

છોડ્યો સાચો પ્યાર, 

હે મનવા,

તને શું મળ્યું ? 

કરજે વિચાર !

બે પૈસા માટે, 

માતા છોડી, 

બાપા છોડ્યા, 

છોડ્યાં એ ધબકાર, 

હે મનવા,

તને શું મળ્યું ? 

કરજે વિચાર !