કહી દેજો

હું ગમું તો તમે મને કહી દેજો,

પછી ભાડે એમજ રહી લેજો.. હું ગમું તો તમે મને કહી દેજો.

 

પ્રેમના પ્રમેય જોને સાબિત થાય ના,

સ્નેહના આ દાખલા સુત્રોથી ગણાય ના,

કઈ ખબર ના પડે,કશું સમજાય ના,

પણ હું દિલમાં રમું તો મને કહી દેજો,

પછી ભાડે એમજ રહી લેજો.. હું ગમું તો તમે મને કહી દેજો.

 

મનના આ નકશા કેમેય ચીતરાય ના,

પ્રયોગ એવો જેમાં નિર્ણય લેવાય ના,

ભાષા એવી કે જેમાં કશું સમજાય ના,

પણ હું દિલમાં ભમું તો મને કહી દેજો,

પછી ભાડે એમજ રહી લેજો.. હું ગમું તો તમે મને કહી દેજો.

 

હું ગમું તો તમે મને કહી દેજો,

પછી ભાડે એમજ રહી લેજો.. હું ગમું તો તમે મને કહી દેજો.