Quotes New

Audio

Forum

Read

Contests


Write

Sign in
Wohoo!,
Dear user,
તેમ છતાં વરસતો નથી વરસાદ...
તેમ છતાં વરસતો નથી વરસાદ...
★★★★★

© Mukesh Maniar

Others

1 Minutes   7.0K    4


Content Ranking

ઉગીને આથમે છે
દરરોજ સૂરજ,
તેમ છતાં વરસતો નથી વરસાદ
 
ઘેરાય છે કાળાડિબાંગ
વાદળો આકાશમાં,
તેમ છતાં વરસતો નથી વરસાદ
 
અરે! સાહેબ,આપ તો વરસવાની વાત કરો છો,
ખોટે ખોટો ગરજતો પણ
નથી વરસાદ,
ઉગીને આથમે છે...
 
જેઠ જ્યો, ને અષાઢ પણ
જાવું જાવું કરી રહ્યો છે,
તેમ છતાં નથી વરસતો વરસાદ,
ઉગીને આથમે છે...
 
હતો હવામાન કચેરીનો
વરતારો,
સમયસર આવશે વરસાદ
ને જામશે સરસ ચોમાસું,
તેમ છતાં વરસતો નથી વરસાદ,
ઉગીને આથમે છે...
 
જોઈને કાળાડિબાંગ
વાદળો આકાશમાં
મોર પણ થાક્યો છે
રોજ ઢેલ સામે નૃત્ય કરી કરીને,
બેસી ગયા છે કોયલના કંઠ
ટહુકા કરી કરીને,
ને...આકાશ તરફ મીટ માંડીને
 
બેઠેલાં ચાતકની ડોક પણ
દુ:ખવા લાગી છે,
તોય વરસતો નથી વરસાદ,
ઉગીને આથમે છે...
 
રેઇનકોટ, છત્રી ને સીટકવરોનું
કોઈ નથી અહીં લેવાલ,
ને સરકારી ચોપડે કંઈ કેટલાય
રોડ અને ચેકડેમો
થનગની રહ્યાં છે તણાવા,
તેમ છતાં નથી વરસતો વરસાદ,
ઉગીને આથમે છે...
 
વરસાદના સાદે ગેલમાં આવી જતાં
ભજીયાની લારીવાળા છે
સૂનમૂન,
કવિઓ બન્યા હતાશ,
ને પ્રેમ પંખીડા થયાં
ભગ્ન હર્દયી,
તેમ છતાં નથી વરસતો વરસાદ,
ઉગીને આથમે છે...
દરરોજ સૂરજ,
તેમ છતાં વરસતો નથી વરસાદ,
 
ઘેરાય છે કાળાડિબાંગ
વાદળો આકાશમાં,
તેમ છતાં વરસતો વરસાદ,
અરે! સાહેબ,આપ તો વરસવાની વાત કરો છો,
ખોટેખોટો ગરજતો પણ
નથી વરસાદ,
ઉગીને આથમે છે...

rain

Rate the content


Originality
Flow
Language
Cover design

Comments

Post

Some text some message..