ક્યાં હું એમાં કશું ગુમાવું છું?
ક્યાં હું એમાં કશું ગુમાવું છું?
1 min
13.6K
ક્યાં હું એમાં કશું ગુમાવું છું?
મારી સાથે વખત વિતાવું છું.
યોગ્યતા મ્હેંકની ધરાવું છું,
ફૂલ થઈ ડાળને ઝૂકાવું છું.
કેવી રીતે મકાન ઘર થાશે?
દીકરીને હું એ ભણાવું છું.
મારો પડછાયો પણ સૂરજ લઈ જાય,
ક્યાં હું અકબંધ ઘેર આવું છું.
મારી ઓળખ સરળ બને માટે,
તારો છું એમ ઓળખાવું છું.
જાય આગળ તો દર્દ થઈને જાય,
સ્વપ્ન પાંપણ સુધી જ લાવું છું.