જીવતર
જીવતર
સૌમાં સમભાવ રાખીએ તો જ જીવતર દીપે,
સમદ્રષ્ટિથી અવલોકીએ તો જ જીવતર દીપે,
પુત્રપુત્રીને માતપિતા સરખો પ્રેમ જ આપતાં,
સમભાવથી જો વરતીએ તો જ જીવતર દીપે,
અટકે ભ્રૂણહત્યાને ભેદભાવ જગતનાં ટળતાં,
સમભાવ જો પ્રગટાવીએ તો જ જીવતર દીપે,
દીકરીને વહુનો તફાવત ના રહે કોઈ કુટુંબમાં,
વૃદ્ધાશ્રમમાં ના મોકલીએ તો જ જીવતર દીપે,
નાતજાતનાં ભેદ ભૂલીને માનવતાને વરીએ,
આંદોલનોને હવે સંકેલીએ તો જ જીવતર દીપે,
હરિહરનાં ભેદને પંથભેદે માનવ ગયો વહેંચાઈ,
પ્રત્યેકમાં પરમેશ વિચારીએ તો જ જીવતર દીપે,
રંક-તવંગર, જ્ઞાની-નિરક્ષર, પશુ, માનવ, વનસ્પતિ,
સમભાવ દરેકમાં આરોપીએ તો જ જીવતર દીપે,
સીનીયર - જુનિયર, પોતાનાં-પારકાં, વયનાં ભેદે,
સ્નેહ સઘળે સૌ સંચારીએ તો જ જીવતર દીપે.