બાળપણ
બાળપણ
બાળપણ મારૂં ગોતી દો,
અલ્લડ શેરીઓમાં
સૌ સંગેની ચીસો ગોતી દો.
સખી સંગાથે ધકામુક્કી કરતાં
નિશાળે જાવું છે,
દાખલો કરાવી દો.
પાટી પેન સાથે રમતાં રમતાં,
ચકીને પાણી પીવા બોલાવી દો.
ભાઇના હાથે એકડો ઘૂંટી;
ટીચર પાસે વેરીગુડ
સંભળાવી દો.
યુનિફોર્મ પહેરી બુટ સાથે
આઇકાર્ડ મને ભેરવી દો
લંચબોકસમાં ભાવતા
વેફર બિસ્કિટ આપી દો.
ઓહહહહ!
સપનામાંથી હું જાગી!
અરેરેરે..
રિક્ષાના હોર્ન ગાજતાં,
સ્વરનાદ થયો:
મમ્મી,જલ્દી ટીફીન
ભરી દો.
અશ્રુ સાથે, સ્મિત લાવી
બાય કે'તાં - કે'તાં,
સાડી પાલવએ યાદો સંતાળી દો.
ફરી શમણાંમાં આજ,
બાળપણ મારું ગોતી દો.