સ્મરણો લાવશે
સ્મરણો લાવશે
મંદ મઘમઘતો પવન, તારા જ સ્મરણો લાવશે,
આજ મધુકરને સુમન, તારા જ સ્મરણો લાવશે.
ચાંદની આ રાત ભીંજાતા, તડપતા એ ચકોર,
નીર સાગરના ગહન, તારા જ સ્મરણો લાવશે.
સાંજનાં આછાં ગુલાબી રંગ, વરસે આગ પણ
રાતનું શ્યામલ ગગન, તારા જ સ્મરણો લાવશે.
ગુંજતો પંખી તણો કલરવ ચમનમાં ઓ પ્રિતમ,
સૂર સરગમના કવન, તારા જ સ્મરણો લાવશે
રેતનાં પગલાં સ્મરણને હચમચાવી નાખશે,
નામ તારું ઓ સજન, તારા જ સ્મરણો લાવશે.
આંખ જો મારી મળે, ક્ષણભર હવે તો પ્રિયતમ,
આજ સપનાના નયન, તારા જ સ્મરણો લાવશે.