હનુમાનજી

ગઈ રાતે
હનુમાનજી આવ્યા
સપનામાં....
ગદા મૂકી
બાજુ પર...
ભગવાન રામ સામે
જોડેલ હાથમુદ્રામાં
બેઠા હોય તેમ બેસીને
બોલ્યા કરગરતા..
"વત્સ,
સવારથી જ 
ઊજવાશે
મારો બર્થ ડે
વોટ્સએપ અને ફેસબક પર...
હું થાકી જઈશ- તૂટી જઈશ
એક વૉલ પરથી બીજી વૉલ પર,
એક ઍકાઉન્ટ પરથી બીજા ઍકાઉન્ટ પર....
ઠેકડા મારી મારીને......
પ્લીઝ..!!
કહી દે લોકોને...
મને લેવા દે શ્વાસ....
તારી પાસે મારી એક જ આશ..."
હાય રે !!!!
હું આજે જ
જાગ્યો મોડો(ફટ્ટ છે મને)
ત્યાં સુધીમાં
કેટલાય કૂદકા
લગાવી ચૂક્યા'તા
હનુમાનજી