અડસઠમા જન્મદિને
અડસઠમા જન્મદિને
1 min
7.1K
થઈ ગયા છે અડસઠ તીરથ બેઠાં બેઠાં;
આનંદિત ક્ષણ; વાચા અણકથ બેઠાં બેઠાં.
અર્થ મહીંના અર્થ ઉકેલ્યા ત્યારે જાણ્યું
ગાંઠે બાંધ્યું છે જ યથાતથ બેઠાં બેઠાં.
ઝાડી- ઝાંખર; આંબાકૂંજો; તળાવ તરસ્યાં;
જોઈ નાખ્યો આખો યે પથ બેઠાં બેઠાં.
કમલપત્ર પરથી ગબડેલા તેજ-ફુવારા;
હૈયે બાંધ્યાં; બાંધ્યાં બથ બથ બેઠાં બેઠાં.
જેની કાજે રઝળ્યાં લાંબો પંથ કહે છે:
માખણ કાજે મથવાનું; મથ બેઠાં બેઠાં!