નભનું કેનવાસ..

આ ખુલ્લી બે આંખ ને છે આ નભનું કેનવાસ

યાદ એક ચીતરાય છે મુજ રુદિયાની પાસ

 

વચન કોઈકને દીધેલું પાળું કે પછી તોડું?

એ દ્વિધામાં યાદ આવે છે રામજીનો વનવાસ

 

વિષ ગટગટાવ્યું છે આંખો મીંચીને ઉમ્રભર કે

કદાચ મળે અંતિમ બિંદુએ અમૃતનો અણસાર

 

શબ્દોના જંગલમાં અટવાયો નિ:શબ્દની શોધમાં

મૌનના ભેદ-ભરમમાં શોધાયું સુખ અનાયાસ

 

ને મંઝીલ ગણી લીધી હવે આ જ "પરમ" ક્ષણ ને

જાણે થયો ખતમ આ ભીતરનો "પાગલ" પ્રવાસ?