લીલેરી ભાતે રંગ રાતો
લીલેરી ભાતે રંગ રાતો
પાન લીલા મહેંદીના હોંશ ધરી પીસાયા,
મનના માણીગરને પામવાના ઓરતા,
ઘેલી રે ગોરીનું હૈયું થનગનતું
લીલી છે લાગણીને સપના ગુલાબી
પિયુને પામવાના સોનેરી અવસરિયા
પરથમ પગલે ગણપતિ બેસાડું
એકે છંદે બીજે છંદે મા રાંદલને વધાવું
તાલીઓના તાલે ઝાંઝરના ઝમકારે
કોડીલી કન્યાને મહેંદીની ભાતે
રંગાશે સપનાઓ છમ છમ
લીલીછમ ભાતમાં રાતા તે રંગમાં
સોનાને બાજોઠીયો મોતીએ શણગાર
ઝંખના વિસ્તરશે અગમ નિગમની
કોડીલી કન્યાને કંકુ ચોખાએ વધાવી