ન પડી જાય,
ન પડી જાય,
1 min
13.7K
કરવતને કહો વૃક્ષમાં સોપો ન પડી જાય,
જોજો તમે આ ડાળથી ટહુકો ન પડી જાય.
મોટી છબી હું ટાંગતા રાખું છું અહીં ધ્યાન,
શૈશવનો દીવાલેથી આ ફોટો ન પડી જાય.
મારામાં તને રાખવાનો ગર્વ મને છે,
તું એમ મને મળ કે આ મોભો ન પડી જાય.
એવું નથી કે કોઇથી આવે ન જુદાઇ,
પણ માનવી ખુદથી અહીં અળગો ન પડી જાય.
હું રોજ અહીં મનને સતત એમ કહું છું,
બે ચાર સુખોનો તને ચસકો ન પડી જાય
હું પાત્રનો અભિનય હવે સાચો કરું છું દોસ્ત,
અધવચ હવે આ મંચનો પરદો ન પડી જાય