Quotes New

Audio

Forum

Read

Contests


Write

Sign in
Wohoo!,
Dear user,
અજાણ
અજાણ
★★★★★

© Mayurika Ankur Banker

Abstract Classics Others

1 Minutes   13.7K    4


Content Ranking

અજાણ છું, આ ધરા ગોળાકારે કેમ છે? ને ગોળાકાર ચકરાવો કેમ લે છે?

મહિષી રોજ ફરે પણ ક્યારેય કેમ ન થાકે?

આ ઝાડવા એક ડગલુંય ખસતાં નથી ને ઉન્નત કેમ થાય છે?

 

અજાણ છું સુંદર રંગબેરંગી ફૂલોને કોણ સર્જે છે ને કોણ ફળોમાં ખાટામીઠા રસ ભરે છે?

વનરાજીમાં દ્રુમ, ક્ષુપ, છોડ, વેલાની કારીગરી કોણ કરે છે?

પાંદનો લીલો રંગ એક જ મહીં નાના પ્રકારની ઝાંય કોણ પૂરે છે?

 

અજાણ છું સલિલની લીલા જોઈ, નિરાકાર, નિર્વિકાર, રંગહીન કેમ છે?

સરિતામાં મીઠું ને જલધિમાં ખારું જળ કોણ ભરે છે?

બાફ બને રવિના તાપથી, વાદળ બની નાચી-ગાજી મોતીબિંદુ કોણ વરસાવે છે?

 

અજાણ છું અનિલની સરળતા, અવનીની ગહનતા, અગ્નિની દાહકતા, આકાશની અસીમતા ને અંબુની તરલતાથી,

અજાણ છું જીવ ને શિવના અસ્તિત્વથી, જીવનની સાર્થકતાથી, મૃત્યુની સત્યતાથી,

અજાણ છું માયાથી, સંબંધોના તારથી, ચહેરાની રેખાઓથી,

અજાણ છું સ્વથી ને સર્વથી.

 

 

ajnabi કવિતા અછાંદસ

Rate the content


Originality
Flow
Language
Cover design

Comments

Post

Some text some message..