Quotes New

Audio

Forum

Read

Contests


Write

Sign in
Wohoo!,
Dear user,
ખળખળતું પાણી
ખળખળતું પાણી
★★★★★

© Narshih Maheta

Classics

1 Minutes   121    4


Content Ranking

ખળખળતું પાણી તે અગનથી આકરું,

ચોકમાં લાવીને મેલ્યુમ આણી,

પોતાના જાણ તેને ગણ્યા પારકા,

અન્ય જાણી તીની ત્રીઠ તાણી – ખળખળતું.

માગ્યા મહેતે જઈ , વહેવાઈને કહી,

ઉષ્ણમાં ભેળવા ટાઢું પાણી,

‘ગીત ગાશો તંહી મેહૂલો વરસશે,

આફણીયે થાશે જળ સમાણી. – ખળખળતું.

કીધો મલ્હાર તે સાંભળ્યો શામળે,

થયો ઘનઘોર ને ધનુષ્ય તાણ્યું,

વાય છે વાવડો વીજ ચમકા કરે,

ગાજિયો ગગન તે જગતે જાણ્યું. - ખળખળતું

ચાતુર્માસ નથી, નથી રત-માવઠું,

કારમો ઉમગ્યો ખડક કાઢી,

અવની ઉપર થઈ નીર ચાલ્યું વહી,

જાણીએ મેહ વૂઠ્યો અષાઢી – ખળખળતું.

ધાઈ વહેવાઈ આવ્યા મહેતાજી કને

‘ધનો મહેતા ! ધન્ય ભક્તિ સાચી,

પહેરામણી પણ નરસૈ કરશે ભલી,

મૂરખ આપણી બુદ્ધિ કાચી.’ – ખળખળતું.

નરસિંહ મહેતા વેવાઈ મશ્કરી મલ્હાર વરસાદ કવિતા

Rate the content


Originality
Flow
Language
Cover design

Comments

Post

Some text some message..