સુઈ જા.. મારા ઓ લાડકા

સુઈ જા મારા ઓ લાડકા,

પરી તને લાડથી સૂવડાવે છે.

સુઈ જા....

 

આંખોમાં તારી ધેન છે પણ

રમતમાં હજુ તારું ધ્યાન છે.

 

જમવામાં નખરાં ઘણા છે તારા

પણ એ નખરાં મને બહુ ગમે છે.

 

માસુમ સ્મિતને જોઈને તારા

હું તો બધાં દુઃખ ભૂલી જાઉં છું.

 

સ્પર્શીને કોમળ હાથ-પગ તારા

હું તો અનેરો આનંદ પામું છું.

 

મારી તો આખી દુનિયા જ છે તું,

મારી ખુશીનું કારણ છે તું.

 

ગાતી નથી ક્યારેય હું છતાં પણ

બસ તારા માટે હું ગાઉં છું.

 

આંખો છે નાની પણ સપના ઘણાં છે,

કરવા તારી આ મા છે.

 

સુઈ જા મારા ઓ લાડકા,

પરી તને લાડથી સૂવડાવે છે.

સુઈ જા....