ના પૂછજો તમે
ના પૂછજો તમે
ઝીલે આતુર સાગર,
અમૃતા એ ચાંદની ઉરે,
કેવી તરસ હતી મિલનની,
ના પૂછજો તમે.
લાવ્યો છે એ ચાહી,
ઉપવનથી પ્રેમને દિલે,
આવી પવન કહેછે શું ?
મને ના પૂછજો તમે.
આ વ્હાલ તમારા,
ચૂમે મારા ગાલને ભલે,
લાલી શરમે ઢોળાઇ,
તો ના પૂછજો તમે.
ભોળા મનને ભાળો,
રમતા ગાતા બધે હસી
હોઠો ન હસે છૂપા અમથી,
ના પૂછજો તમે
કેવાં ઝરણાં ગાતાં સરતાં,
આ ડુંગરે ધસી
ડૂબો ખુદના સંગીત મહીં,
ના પૂછજો તમે
વાતો કરતા ગમતા,
તમ આ બે જ નયનો મને
આંખોએ શી વાત ઝીલી,
ના પૂછજો તમે
દોડે ગગને આ વાદળ,
મસ્ત મલકતા સદા
આ ભીંજવતું છે કોણ મને ?
ના પૂછજો તમે
ને ખીલતું આટલું સરસ પ્રભા,
ના જાણતા અમે
આ ‘દીપ કયા ગગને વિહરે,
ના પૂછજો તમે.